لا صرت في وسط المصايف ومصطاف
قامت حروف الشعر تجذب لطيفه
مرتاح بالي رايقن ما به اصلاف
اكتب بيوت الشعر وأكتب نظيفه
كل المصايف عندنا ما بها خلاف
مثل الكواكب والنجوم المنيفه
الله حباها بالطبيعة والأرياف
لكن قلبي عاشقن له وليفه
مدينة الطايف بها الجو هفاف
نسمة هواها ما لقينا وصيفه
ينعش هواها كل نفس بها اتلاف
من عقب أيام وليال كليفه
الغيم عائق ضلعها حب شفاف
ينزل مطرها بود صافي غريفه
والورد طيبه فاح في داره وطاف
عطر سماها فالليل الظريفه
عند الهدا والشفا زين الأوصاف
تحت الشجر اللي غصونه مريفه
تشعر بحلو الوقت في كل مشراف
شمسه كما ظله براده يحيفه
مقرن بن متعب الهرف
التعليق مقفل لإنتهاء الفتره المحدده له
